მედიის ინფორმაციით, აშშ ავღანეთიდან ჯარებს 11 სექტემბრისთვის გაიყვანს

აშშ-ის პრეზიდენტმა ჯო ბაიდენმა გადაწყვეტილება მიიღო, ავღანეთში დარჩენილი ჯარის ნაწილი 2021 წლის 11 სექტემბრისთვის გაიყვანოს - წერს სააგენტო „როიტერი“ ამერიკელ მაღალჩინოსნებზე დაყრდნობით, რომლებმაც ანონიმურობის დაცვა ისურვეს.

აქვე საუბარია, რომ აშშ-ის სახელმწიფო მდივანი და აშშ-ის თავდაცვის მინისტრი ამ გადაწყვეტილების შესახებ სავარაუდოდ ოთხშაბათს ბრიუსელში ნატოს მეკავშირეებს აცნობებენ.

შესაძლოა პრეზიდენტმა ჯო ბაიდენმაც საჯაროდ გამოაცხადოს გადაწყვეტილების შესახებ.

11 სექტემბერს 20 წელი სრულდება ტრაგედიიდან, როცა ალ-ქაიდამ ამერიკაზე ტერორისტული თავდასხმა განახორციელა. ექსპრეზიდენტის, დონალდ ტრამპის მმართველობის პირობებში მიღწეული შეთანხმების თანახმად, აშშ-ის ჯარებს ავღანეთი 2021 წლის პირველ მაისამდე უნდა დაეტოვებინათ, თუმცა ჯო ბაიდენის პირობებში ცნობილი გახდა, რომ დათქმულ დროს ჯარების გაყვანა ვერ მოხდებოდა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს