ბექა ლილუაშვილი - ჩვენ ვერავინ "დაგვაბულინგებს"

ჩვენ ვერ "დაგვაბულინგებს" ვერავინ, გადავდგათ ისეთი ნაბიჯი, რომ მაქსიმალურად ეფექტიანად ვემსახუროთ ხალხს,- ამის შესახებ ჟურნალისტებთან უმრავლესობიდან გასულმა დეპუტატმა ბექა ლილუაშვილმა არჩილ თალაკვაძის განცხადების კომენტირებისას აღნიშნა.

მისი თქმით, როგორც ჩანს, პარლამენტის თავმჯდომარეს, როცა ის განცხადებას აკეთებდა, ჯერ კიდევ კარგად არ ჰქონდა მოსმენილი ის განცხადებები, რაც მათ გააკეთეს.

"ეს გამოიხატება იმაში, რომ პირველი, რაც ჩვენ ვთქვით „ქართული ოცნებიდან“ წასვლის მიზეზი, ეს არის სწორედ პასუხისმგებლობა, მათ შორის, „ქართული ოცნების“ და საქართველოს თითოეული მოქალაქის წინაშე. სწორედ იმიტომ, რომ ვგრძნობთ პასუხისმგებლობას, დავტოვეთ ეს პარტია, რადგან არსებული რადიკალიზაციის პირობებში, „ქართული ოცნება" როგორც ხალხის ნების და ხალხის დღის წესრიგის ეფექტიანობაზე ორიენტირებული ძალის რესურსი არის მინიმიზებული და ამოწურული. შესაბამისად, ჩვენ ვერ "დაგვაბულინგებს" ვერავინ, გადავდგათ ისეთი ნაბიჯი, რომ მაქსიმალურად ეფექტიანად ვემსახუროთ ხალხს,"- განაცზადა ლილუაშვილმა.

კითხვაზე, გულისხმობს თუ არა, რომ პარლამენტის თავმჯდომარე აბულინგებს მათ, ლილუაშვილი პასუხობს - "არა, რა მნიშვნელობა აქვს".

"მსგავსი შეფასებები არის იმის წინაპირობა, რომ ქვეყანაში საკმაოდ სუსტია პოლიტიკური კლასის განვითარების შესაძლებლობა იმ თვალსაზრისით, რომ ვერავინ და არავინ უნდა "ბულინგდებოდეს" იმისთვის, რომ პოლიტიკური პარტია დატოვოს, როცა პოლიტიკური პარტია როგორც ხალხის ნების აღსრულების პლატფრომა არაეფექტიანია,"- განაცხადა ლილუაშვილმა.

ცნობისათვის, პარლამენტის თავმჯდომარე არჩილ თალაკვაძემ განაცხადა, რომ უმრავლესობის 6 დეპუტატის გადაწყვეტილება პარტიიდან წასვლის შესახებ არასწორია და ამით გიორგი გახარიას არათანმიმდევრულობა კიდევ ერთხელ დადასტურდა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს