უკრაინაში სიტუაციის დეესკალაცია შესაძლებელია მხოლოდ მაშინ, თუ უკრაინის შეიარაღებული ძალები პროვოკაციულ ქმედებებზე უარს იტყვის, - ამის შესახებ კრემლის პრესსპიკერმა დიმიტრი პესკოვმა განაცხადა.
კითხვაზე, აშშ-სა და რუსეთის პრეზიდენტების სატელეფონო საუბრისას მიაღწიეს თუ არა ლიდერებმა ურთიერთგაგებას უკრაინის საზღვართან დეესკალაციის აუცილებლობის თაობაზე, პესკოვმა უპასუხა, რომ კრემლი რუსეთის შეიარაღებული ძალების გადაადგილებასთან დაკავშირებით გამოთქმულ შეშფოთებას „უსაფუძვლოდ“ მიიჩნევს.
„ჩვენ ყველას, მათ შორის აშშ-ს, მიერ გამოხატულ შეშფოთებას ჩვენი შეიარაღებული ძალების რუსეთის ტერიტორიაზე გადაადგილებასთან დაკავშირებით, უსაფუძვლოდ მივიჩნევთ. უკრაინის ტერიტორიაზე დეესკალაცია შესაძლებელია მხოლოდ იმ შემთხვევაში, თუკი უკრაინის შეიარაღებული ძალები პროვოკაციულ ქმედებებზე უარს იტყვის,“- აღნიშნა პესკოვმა.