ნიკოლ ფაშინიანი  - ყარაბაღის ომში 4 000-მდე სომეხი სამხედრო დაიღუპა

ყარაბაღის ომში 3 621 სომეხი სამხედრო დაიღუპა, 321 პირი კი დაკარგულად ითვლება, - ამის შესახებ სომხეთის პრემიერ-მინისტრმა ნიკოლ ფაშინიანმა დღეს პარლამენტში სიტყვით გამოსვლისას განაცხადა.

„ამ ეტაპზე ჩვენ გვყავს 3 621 გარდაცვლილი, ვისი სახელებიც ვიცით. ასევე გვყავს 321 ადამიანი დაკარგულთა სიაში. 201 ცხედარი, რომელთა იდენტიფიცირება ამჟამად მიმდინარეობს. ამასთან, იდენტიფიცირებულია კიდევ 100 ცხედარი, თუმცა ამა თუ იმ მიზეზის გამო მათი ოჯახები ექსპერტიზის დასკვნას არ ენდობიან. დაღუპულთა საერთო რაოდენობა დაახლოებით 4000-ია,“- აღნიშნა ფაშინიანმა.

შეგახსენებთ, ყარაბაღში აზერბაიჯანსა და სომხეთს შორის საბრძოლო მოქმედებები გასული წლის 27 სექტემბერს დაიწყო, რასაც ათასობით ადამიანის სიცოცხლე ემსხვერპლა. ცეცხლი 10 ნოემბრიდან მას შემდეგ შეწყდა, რაც 9 ნოემბერს, რუსეთის პრეზიდენტმა ვლადიმერ პუტინმა, აზერბაიჯანის პრეზიდენტმა ილჰამ ალიევმა და სომხეთის პრემიერ-მინისტრმა ნიკოლ ფაშინიანმა ხელი მოაწერეს ერთობლივ განცხადებას ცეცხლის შეწყვეტის შესახებ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა