ორთაჭალაში, შს სამინისტროსთან, სადაც მოძრაობა „საქართველოს“ წევრები აქციას მართავენ, დაპირისპირებაა.
აქტივისტები შენობაში შესვლას ითხოვდნენ, რისი საშუალებაც მათ სამართალდამცველებმა არ მისცეს. ამის შემდეგ კი სამინისტროს ტერიტორია დაატოვებინეს, რასაც შეხლა - შემოხლა მოჰყვა.
დაპირისპირების დროს სავარაუდოდ, რამდენიმე პირი დააკავეს.
ინფორმაციისთვის, აქციის მონაწილეები სამოქალაქო აქტივისტის გიორგი მუმლაძის დაკავებას აპროტესტებენ და შსს-ს მისი გათავისუფლებისკენ მოუწოდებენ.
შსს-ს ინფორმაციით, ქართული ოცნების“ ოფისთან გამართულ აქციაზე, გიორგი მუმლაძე პოლიციის თანამშრომლების მიმართ წინააღმდეგობისა და ფიზიკური შეურაცხყოფის ბრალდებით დააკავეს. შსს-ს ცნობით, დანაშაული 2-დან 5 წლამდე ვადით თავისუფლების აღკვეთას ითვალისწინებს.