აშშ-ის ლუიზიანას შტატში კომერციული გემის გადაბრუნების შედეგად ერთი ადამიანი დაიღუპა, - ამის შესახებ ინფორმაციას BBC-ი ავრცელებს.
აშშ-ის სანაპირო დაცვის სამსახურის ცნობით, მაშველებმა გემზე მყოფი 6 ადამიანის გადარჩენა შეძლეს, ეკიპაჟის 12 დაკარგულ წევრს კი ამ დრომდე ეძებენ.
სანაპირო დაცვის სამსახურის პრესსპიკერმა უილ უოთსონმა განაცხადა, რომ კატასტროფის მიზეზი, სავარაუდოდ, ძლიერი ქარი იყო.
39 მეტრის სიგრძის გემი ფურჩონის პორტიდან დაახლოებით 12 კილომეტრში გადაბრუნდა. ხომალდი საზღვაო სატრანსპორტო კომპანია Seacor Marine-ს ეკუთვნის.