დევიდ კრამერი - ნიკა მელიას დაპატიმრებამ ჩიხი კრიზისად გადააქცია - თუ მელიას არ გაათავისუფლებენ, ხელისუფლებაზე ზეწოლა უნდა გაძლიერდეს

შემოდგომაზე ჩატარებული საკამათო არჩევნების შემდეგ საქართველო ჩიხში აღმოჩნდა. ეს ჩიხი კრიზისში გადაიზარდა მას შემდეგ რაც ივანიშვილმა ნიკა მელია დააპატიმრა, - ამის შესახებ აშშ-ის სახელმწიფო მდივნის ყოფილმა თანაშემწემ დემოკრატიის, ადამიანის უფლებებისა და შრომის საკითხებში დევიდ კრამერმა "ეკონომიკური პოლიტიკის კვლევის ცენტრის" მიერ ორგანიზებული დისკუსიის დროს განაცხადა.

„ყოფილმა პრემიერ-მინისტრმა ამ ბრძანების შესრულებაზე უარი თქვა და გადადგა. მე გახარიას ამ პრინციპულ პოზიციას მივესალმე. მაგრამ ბატონ ივანიშვილმა გამოსავალი ნახა, გახარია გადადგა და მისი ადგილი ღარიბაშვილმა დაიკავა, რომელმაც მეტი ენთუზიაზმი გამოიჩინა შეესრულებინა ივანიშვილის ბრძანება მელიას დაკავებასთან დაკავშირებით. მე არ წარმოვადგენ "ერთიან ნაციონალურ მოძრაობას", არ წარმოვადგენ არცერთ პარტიას საქართველოში. არასდროს მიცდია ნიკა მელიასთან შეხვედრა, მაგრამ ვფიქრობ, რომ მისმა დაპატიმრებამ ჩიხი გადააქცია კრიზისად. არ მესმის, როგორ შეიძლება გადაჭრა კრიზისი ოპოზიციასა და „ქართულ ოცნებას“ შორის, როცა წამყვანი ოპოზიციური პარტიის ლიდერი ციხეში ზის. მგონია, რომ „ქართულმა ოცნებამ“ და ხელისუფლებამ უნდა გადადგას პირველი ნაბიჯი და ეს არის მელიას გათავისუფლება. გიორგი რურუაც უნდა გათავისუფლდეს, რადგან ეს უნდა გაკეთებულიყო იმ შეთანხმების თანახმად, რომელიც მიღწეული იყო წელიწადზე ცოტა მეტი ხნის წინ. ნიკა მელია მთავარ ოპოზიციურ პარტიას წარმოადგენს. ის უნდა იჯდეს მოლაპარაკებების მაგიდასთან. ვფიქრობ, თუკი ბატონ მელიას არ გაათავისუფლებენ, დასავლეთიდან ზეწოლა უნდა გაძლიერდეს და უნდა გაძლიერდეს ზეწოლა ხელისუფლებაზე,"- აღნიშნა კრამერმა.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა