გურამ მაჭარაშვილი - ჩვენ გვსურს პოლიტიკური შეთანხმება შედგეს და ოპოზიციის რადიკალური ფრთის ხმა გაჟღერდეს პარლამენტში

ჩვენ გვსურს პოლიტიკური შეთანხმება შედგეს და ოპოზიციის რადიკალური ფრთის ხმა გაჟღერდეს საქართველოს პარლამენტში, - ამის შესახებ საპარლამენტო უმრავლესობის წევრმა გურამ მაჭარაშვილმა ჟურნალისტებთან განაცხადა.

დეპუტატი ოპოზიციის მიერ 15 მაისს დაგეგმილ აქციას გამოეხმაურა და აღნიშნა, რომ საზოგადოება მათ აქციებს სერიოზულად აღარ აღიქვამს.

„არ ვიცი, როგორ წარმოუდგენია რადიკალურ ფრთას საერთო სახალხო ერთობა აშშ - ის, ჩვენი ევროპელი კოლეგების და ნატო-ს და ევროკავშირის გარეშე. ისინი თუ ელოდებიან 15 მაისს, რომ ქართული საზოგადოება უარს იტყვის ნატო- ზე, ევროკავშირზე, ამერიკაზე, ევროპულ ღირებულებებზე, არ მესმის, ამ დროს კი პროდასავლურად მოაქვთ მათ თავი.

საზოგადოება სერიოზულად აღარ აღიქვამს არამცთუ მათ აქციებს, არამედ მათ დამოკიდებულებას პოლიტიკურ შეთანხმებასთან დაკავშირებით. თუმცა, ჩვენ მაინც გვაქვს სურვილი მომეტებული პასუხისმგებლობის ფარგლებში, რომ ეს პოლიტიკური შეთანხმება შედგეს და რადიკალური ფრთის ხმა გაჟღერდეს საქართველოს პარლამენტში, რადგან ეს არის არა მათი, არამედ მათი ამომრჩევლის ხმა“, - განაცხადა მაჭარაშვილმა.

იხილეთ ვიდეო:უმრავლესობაში აცხადებენ, რომ სურთ პოლიტიკური შეთანხმება შედგეს და ოპოზიციის რადიკალური ფრთის ხმა გაჟღერდეს პარლამენტში

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა