ირაკლი ქადაგიშვილი - ვინც გუბერნატორები ვიყავით და მაჟორიტარად აგვირჩიეს, დეპუტატები გუნდის საერთო დამსახურებით გავხდით - არაგუნდური თამაშით ვერც ერთი ცალკე აღებული მაჟორიტარი დეპუტატი ვერ გახდებოდა

თითოეული ჩვენთაგანი, ვინც გუბერნატორები ვიყავით და შემდეგ მაჟორიტარად აგვირჩიეს, დეპუტატები გუნდის საერთო დამსახურებით გავხდით - პოლიტიკაში წარმატებას გუნდური თამაში განაპირობებს, არაგუნდური თამაშით ვერც მე და ვერც ერთი ცალკე აღებული მაჟორიტარი დეპუტატი ვერ გახდებოდა, - ამის შესახებ ჟურნალისტებს "ქართული ოცნების" დეპუტატმა ირაკლი ქადაგიშვილმა განუცხადა.

ქადაგიშვილი იმასაც ამბობს, რომ თუკი მაჟორიტარისა და პარტიის მიერ მიღებულ ხმებს დავაკვირდებით, 100-დან 99-შემთხვევაში ყოველთვის არის მაჟორიტარის მცირედი უპირატესობა. ქადაგიშვილის თქმით, მაჟორიტარს პარტიული ხმების გარდა, გარკვეული პრეფერენცია პიროვნული სიმპატიით ეძლევა.

„საქართველოს კონსტიტუციის მიხედვით, დეპუტატის მანდატი არის იმპერატიული. დეპუტატს არ აქვს ვალდებულება, თავის პოლიტიკური მდგომარეობის შეცვლასთან ერთად, მანდატი დატოვოს. ეს შეიძლება პიროვნული გადაწყვეტილება იყოს. გამომდინარე აქედან, არ მინდა სპეკულაცია იმის თაობაზე, უნდა დატოვონ თუ არა მათ მანდატი. არ მინდა ამ თემაზე ახალი, მოგონილი ქარიშხალი ავტეხოთ", - აღნიშნა ირაკლი ქადაგიშვილმა.

საპარლამენტო უმრავლესობის ზოგიერთი წარმომადგენლის აზრით, იმ მაჟორიტარებმა, რომლებმაც "ქართული ოცნებიდან" გიორგი გახარიას გუნდში გადაინაცვლეს, სადეპუტატო მანდატი უნდა დატოვონ და საკუთარი შესაძლებლობები შუალედურ არჩევნებში მოსინჯონ.

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს