გერმანიის ჯანდაცვის მინისტრი რეგიონებს კორონავირუსთან დაკავშირებით დაწესებული შეზღუდვების გამკაცრებისკენ მოუწოდებს

გერმანიის ჯანდაცვის მინისტრი იენს შპანი ქვეყნის 16-ვე რეგიონს კორონავირუსის მესამე ტალღის შემცირების მიზნით შეზღუდვების დროულად გამკაცრებისკენ მოუწოდებს, - Reuters-ის ინფორმაციით, ამის შესახებ შპანმა ადგილობრივ მედიასთან საუბარში განაცხადა.

„გასულის წლის შემოდგომიდან ვიცით რა ხდება, როდესაც სწრაფად არ ვმოქმედებთ”, - აღნიშნა შპანმა.

მინისტრმა აღნიშნა, რომ გერმანიაში ვაქცინაციის კამპანიის ტემპი დაჩქარებას იწყებს. მისი თქმით, აპრილის ბოლოს მოსახლეობის დაახლოებით 20% -ს ვაქცინის მინიმუმ პირველი დოზა ექნება მიღებული და ზაფხულის ბოლოსთვის ვაქცინაციის შესაძლებლობა ყველა ზრდასრულ ადამიანს უნდა ჰქონდეს. ამასთან, იენს შპანმა განმარტა, რომ ქვეყანაში კოვიდ 19-ის წინააღმდეგ ე.წ. „კოლექტიური იმუნიტეტის“ მიღწევა მიმდინარე წლის მესამე კვარტლამდე ვერ მოხდება.

გერმანიაში, გასული დღე-ღამის განმავლობაში, კორონავირუსის 29 426 ახალი შემთხვევა გამოვლინდა, რაც 8 იანვრის შემდეგ ყველაზე მაღალი დღიური მაჩვენებელია ქვეყნისთვის. რობერ კოხის ინსტიტუტის პრეზიდენტმა, ლოთარ ვილერმა განაცხადა, რომ საავადმყოფოებში შექმნილი ვითარება „დრამატულია” და პოლიტიკოსებს მოუწოდა, მესამე ტალღის შესასუსტებლად სწრაფად იმოქმედონ.

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს