ჯო ბაიდენის ადმინისტრაციამ რუსეთს ახალი სანქციები დაუწესა, - ამის შესახებ ინფორმაციას ამერიკული მედია ავრცელებს.მათივე ინფორმაციით, სანქციების სამიზნე, რომელიც ბოლო დროს განხორციელებული კიბერ თავდასხმების და 2020 წლის საპრეზიდენტო არჩევნებში მოსკოვის ჩარევის საპასუხოდ დაწესდა, 30-ზე მეტი რუსული ორგანიზაციაა. სანქციები ასევე ითვალისწინებს აშშ-დან რუსეთის 10 მოქალაქის, მათ შორის დაზვერვის სამსახურის თანამშრომლებისა და დიპლომატების გაძევებას.
ადმინისტრაციამ ასევე გამოსცა აღმასრულებელი ბრძანება, რომელიც აშშ-ის ფინანსურ ინსტიტუტებს რუბლის ნომინალის ობლიგაციების შეძენას აუკრძალავს. საუბარია რუსეთის ცენტრალური ბანკის, ეროვნული სიმდიდრის ფონდის ან რუსეთის ფინანსთა სამინისტროს მიერ 2021 წლის 14 ივნისის შემდეგ გამოშვებულ ობლიგაციებზე.