პაატა ცინცაძე - ჰიდრორესურსების ათვისების მსოფლიო გამოცდილება ცალსახად მეტყველებს, რომ საქართველომ ეს რესურსი უნდა აითვისოს

ჰიდრორესურსების ათვისების მსოფლიო გამოცდილებაც ცალსახად მეტყველებს, რომ საქართველომ უნდა აითვისოს ეს რესურსი, - ამის შესახებ საქართველოს ენერგეტიკის აკადემიის წევრმა პაატა ცინცაძემ განაცხადა.

ის მაგალითად შვეიცარიას ასახელებს და აცხადებს, რომ „შვეიცარიაში, რომელიც ტერიტორიით ჩვენზე მცირე ქვეყანაა და მისაბაძია უამრავი მიმართულებით, დღეს ერთ-ერთი უდიდესი ჰიდროენერგეტიკული ქვეყანაა და მისი ჰესების ჯამური სიმძლავრე 35000 მეგავატია, 10-ჯერ მეტი ვიდრე ჩვენს ჰესებს გააჩნია“.

მისივე განცხადებით, ასევეა ავსტრიაში, იტალიაში, ნორვეგიაში, ესპანეთსა და ა.შ.

მისი ინფორმაციით, შვეიცარიაში 600-ზე მეტი დიდი და საშუალო ჰესია, აქედან 350-ზე მეტი წყალსაცავიანი მარეგულირებელი. გარდა ამისა, ქვეყანაში არის 1000 მიკრო და მცირე ჰესი და რაც მთავარია 25-ზე მეტი 100 მეტრზე მაღალი კაშხალი. მისი თქმით, ასეთ კაშხლებს შორის ყველაზე მაღალია 284 მეტრიანი „გრანდ დიქსენის“ კაშხალი, რომელიც ჩვენს ენგურის კაშხალზე მაღალია.

პაატა ცინცაძემ ასევე მოიყვანა იაპონიის მაგალითი, სადაც 200-ზე მეტი აქტიური ვულკანია და ამავე დროს, ქვეყანაში ჰიდროელექტროსადგურების მშენებლობა აქტიურად ხორციელდება.

„იაპონიის სეისმურ, გეოლოგიურ სირთულეებზე ლეგენდებია, მაგრამ უკვე ფუნქციონირებს 3000 - ზე მეტი ჰიდროსადგური და კაშხლიანი წყალსაცავიანი ჰიდროელექტროსადგურების მშენებლობა დღესაც გრძელდება“, - აღნიშნა ექსპერტმა.

მისი თქმით, ბოლო 30 წელიწადში (1990-2018) ენერგეტიკის საერთაშორისო სააგენტოს მონაცემებით, ევროპაში ჰიდროენერგიის წარმოება 30%- ით გაიზარდა 514 ტერავატსთ-დან 674 ტერავატსთ მიაღწია. მათ შორის, შვეიცარიაში ზრდა იყო 30% (10 ტერავატსთ), ავსტრიაში - 32% -ით (12 ტერავატსტ), ხორვატიაში - 50%-ით (2 ტერავატსთ), საქართველოში კი - მხოლოდ 17% (1.3 ტერავატსთ.)

„ცალკე მინდა შევჩერდე მცირე ჰესებზე, რომლებიც ასევე შეტევების სამიზნეა საქართველოს თითქმის ყველა რეგიონში. ევროპისკენ, საითაც მივისწრაფვით, 21800 მცირე ჰესია და უმეტესი მათგანი კონცენტრირებულია ისეთ ქვეყნებში, როგორიცაა გერმანია -7512, იტალია - 2427, საფრანგეთ - 1935, შვედეთი- 1901 და ა.შ. ამ ბოლო დროს ხშირად გაიგონებ, რომ განვითარებული მსოფლიო კაშხლიან ჰესებს აღარ აშენებს, რაც არ არის სიმართლე. ჰესებს დღესაც ყველა ქვეყანა აშენებს, ვისაც ამის რესურსი დარჩა და გააჩნია. მაგალითად ნორვეგიაც გამოდგება, რომელიც დღესაც აგრძელებს ჰიდროსადგურების მშენებლობას და ეს, როდესაც ჰიდრო რესურსი 93% ით აქვს ათვისებული , “ - განაცხადა პაატა ცინცაძემ, რომლის კომენტარსაც ეკონომიკის სამინისტრო ავრცელებს.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს