აშშ-ის ქალაქ ინდიანაპოლისში, FedEx-ის შენობაში შეიარაღებულმა პირმა ცეცხლი გახსნა, რის შედეგადაც მინიმუმ 8 ადამიანი დაიღუპა, - ამის შესახებ ინფორმაციას nbcnews-ი ავრცელებს.

გამოცემის ცნობით, დაღუპულია თავდამსხმელიც. რამდენიმე დაჭრილი საავადმყოფოშია გადაყვანილი. ადგილობრივი პოლიციის ინფორმაციით, თავდასხმის მოტივი უცნობია და ფაქტზე გამოძიება დაწყებულია.

ცნობისათვის, ბოლო კვირების განმავლობაში აშშ-ში რამდენიმე მასობრივი სროლა მოხდა, მათ 8 აპრილს, როდესაც ტეხასის შტატში, ქალაქ ბრაიანში შეიარაღებულმა პირმა ერთი ადამიანი მოკლა, ხუთი კი დაჭრა.