გერმანიის კანცლერი ანგელა მერკელი „ასტრაზენეკას“ ვაქცინით აიცრა, - ამის შესახებ ინფორმაცის „დოიჩე ველე“ ავრცელებს. სააგენტოს ცნობით, 66 წლის მერკელმა ვაქცინის პირველი დოზა ბერლინის ტემპელჰოფის ყოფილ აეროპორტში გაიკეთა, სადაც ამჟამად ვაქცინაციის ცენტრია მოწყობილი.
„მოხარული ვარ, რომ დღეს „ასტრაზენეკას“ ვაქცინის პირველი დოზა მივიღე. მადლობას ვუხდი ყველას, ვინც მონაწილეობს ვაქცინაციის კამპანიაში - და ყველას, ვინც იცრება. ვაქცინაცია არის პანდემიის დაძლევის გასაღები,“- განაცხადა მერკელმა.
შეგახსენებთ, გერმანიაში „ასტრაზენეკას“ ვაქცინით მხოლოდ 60 წელს გადაცილებულ მოქალაქეებს ცრიან.