ლევან დავითაშვილის განცხადებით, „ნამახვანჰესის“ პროექტთან დაკავშირებული დოკუმენტები პასუხს სცემს ყველა იმ კითხვას, რაც საზოგადოებაშია

გარემოს დაცვისა და სოფლის მეურნეობის მინისტრის ლევან დავითაშვილის განცხადებით, „ნამახვანჰესის“ საკითხის შემსწავლელ ექსპერტთა საბჭოს პროექტთან დაკავშირებული დოკუმენტების გასაცნობად დაახლოებით 2 თვე ექნება, კაშხალის მშენებლობამდე კი 1-წლიანი პერიოდი განისაზღვრა.

როგორც დავითაშვილმა ეკონომიკის მინისტრთან, "ნამახვანჰესის“ პროექტის აღმასრულებელი დირექტორთან და ექსპერტებთან შეხვედრის შემდეგ ჟურნალისტებს განუცხადა, პროექტთან დაკავშირებული დოკუმენტები პასუხს სცემს ყველა იმ კითხვას, რაც საზოგადოებაშია.

„ორი აზრი არ არსებობს, რომ რა კითხვაც საზოგადოებაში არსებობს, პასუხი უნდა გაეცეს. დიალოგს რომ ალტერნატივა არ აქვს, ესეც გვესმის. ამიტომ, სწორედ ჩამოყალიბებული ფორმატი არის ძალიან მნიშვნელოვანი. დღეს წარმოდგენილი იქნა დოკუმენტი, რომელიც პროექტის ნაწილია და ვფიქრობთ, ყველა ეს დოკუმენტი პასუხს სცემს იმ კითხვებს, რაც საზოგადოებაშია. თუმცა საუბარი იყო, რომ ეს არის ძალიან დიდი, მოცულობითი მასალა. ეს არის ასობით ათასი გვერდი, რომელიც დამუშავებას საჭიროებს.

რაც შეეხება იმას, რომ არსებობს ბევრი მოთხოვნა საზოგადოებაში და ლეგიტიმური კითხვები, გვესმის, ასეთი მასშტაბის პროექტი დიდ ინტერესს იწვევს. ყველა ის კრიტიკული საკითხი, რომელიც საზოგადოების მხრიდან იყო დასმული, ვფიქრობ დიდწილად გათვალისწინებულია - ეს ძირითადად ეხება გარემოსდაცვით ზემოქმედებას და სამშენებლო საკითხებს. ასე რომ, მნიშვნელოვანი ინფრასტრუქტურული სამუშაოების განხორციელება მოხდება ამ შეფასებების და რეკომენდაციების გათვალიწინებით. ამისთვის კომპანიამ ეკონომიკის სამინისტროსთან მოახდინა შეთანხმება და დაახლოებით 1-წლიანი პერიოდი განისაზღვრა კაშხალის მშენებლობამდე“,- განაცხადა დავითაშვილმა.

შეგახსენებთ, რომ ეკონომიკისა და მდგრადი განვითარების მინისტრმა ნათია თურნავამ, გარემოს დაცვისა და სოფლის მეურნეობის მინისტრმა ლევან დავითაშვილმა და „ნამახვანჰესის“ პროექტის აღმასრულებელმა დირექტორმა მერაბ ლომინაძემ, „ნამახვანიჰესის“ პროექტთან დაკავშირებით პროფილურ ექსპერტებთან შეხვედრა გამართეს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა