ალექსეი ნავალნი - მემუქრებიან, რომ თუ შიმშილობაზე უარს არ ვიტყვი, იძულებით კვებაზე გადამიყვანენ

პატიმრობაში მყოფი რუსი ოპოზიციონერი ალექსეი ნავალნი მისი ჯანმრთელობის მდგომარეობის შესახებ ინფორმაციას

აქვეყნებს. როგორც მოშიმშილე პატიმარი „ინსტაგრამ“ პოსტში აღნიშნავს, ციხის ადმინისტრაციაში ემუქრებიან, რომ ძალდატანებით მისცემენ საკვებს.

„დღეს დილით ქალი პოლკოვნიკი მოვიდა და მითხრა: თქვენი სისხლის ანალიზი ჯანმრთელობის სერიოზულ გაუარესებაზე და რისკზე მიუთითებს. თუ შიმშილობაზე უარს არ იტყვით, ჩვენ მზად ვართ ახლავე იძულებით კვებაზე გადაგიყვანოთ. შემდეგ კი აღმიწერა იძულებითი კვების მთელი მომხიბვლელობა - შემბორკავი პერანგი და ა.შ.“, - წერს ნავალნი. მისივე თქმით, მან აქ კიდევ ერთხელ მოითხოვა დამოუკიდებელი სამოქალაქო ექიმის ნახვის უფლება. ნავალნი წერს, რომ პროტესტის ამ ფორმას მიმართავს არა მარტო საკუთარი თავისთვის, არამედ ასობით ათასი უუფლებო პატიმრისთვის.

შეგახსენებთ, ალექსეი ნავალნიმ, ციხეში საკუთარი ექიმის შეშვების მოთხოვნით, შიმშილობა მარტის ბოლოს დაიწყო. ცოტა ხნის წინ გავრცელდა ინფორმაცია, რომ პატიმრობაში მყოფი კრემლის კრიტიკოსის ჯანმრთელობის მდგომარეობა უარესდება და მას ფეხებსა და ხელებში მგრძნობელობა ეკარგება.