ინდოეთში კორონავირუსის 234 692 ახალი შემთხვევა გამოვლინდა, რაც რეკორდული დღიური მაჩვენებელია
ინდოეთში, გასული დღე-ღამის განმავლობაში, კორონავირუსის 234 692 ახალი შემთხვევა გამოვლინდა, რაც რეკორდულად მაღალი დღიური რაოდენობაა ქვეყნისთვის პანდემიის დაწყების დროიდან, - ამის შესახებ ინფორმაციას Reuters-ი ინდოეთის ჯანდაცვის სამინისტროზე დაყრდნობით ავრცელებს.
ამასთან, ინდოეთში, ბოლო 24 საათში, კოვიდ 19-ს კიდევ 1 341 ადამიანის სიცოცხლე ემსხვერპლა. ქვეყანაში, პანდემიის დაწყების დროიდან, კორონავირუსის 14.5 მილიონი შემთხვევაა დადასტურებული, დაღუპულთა რიცხვმა კი 175 649-ს მიაღწია. საავადმყოფოებში, სადაც კოვიდინფიცირებულ პაციენტებს მკურნალობენ, თავისუფალი საწოლებისა და ჟანგბადის მარაგის დეფიციტია.
