რუსეთი ქვეყნიდან ხუთ პოლონელ დიპლომატს გააძევებს, - ამის შესახებ რუსეთის საგარეო საქმეთა სამინისტროს განცხადებაშია აღნიშნული. უწყებაში აცხადებენ, რომ მოსკოვმა აღნიშნული გადაწყვეტილება ვარშავას ქმედებების საპასუხოდ მიიღო.
„ჩვენი ყურადღება მიიქცია იმან, თუ რა სწრაფად შეუერთდა ვარშავა აშშ-ის ადმინისტრაციას და მოითხოვა, რომ სამ რუს დიპლომატს პოლონეთი დაეტოვებინა. თავის მხრივ, ხუთი პოლონელი დიპლომატი რუსეთიდან იქნება გაძევებული,“- აცხადებენ რუსეთის საგარეო საქმეთა სამინისტროში.
პოლონეთმა სამი რუსი დიპლომატი „პერსონა ნონ გრატად“ 15 აპრილს გამოაცხადა.
ცნობისთვის, რუსეთმა გუშინ აშშ-ის მხრიდან დაწესებული სანქციების საპასუხო ზომების შესახებაც განაცხადა.