მე და პრემიერ -მინისტრმა სუგამ აშშ-იაპონიის ალიანსისა და ჩვენი საერთო უსაფრთხოების მიმართ გულწრფელი მხარდაჭერა დავადასტურეთ,- ამის შესახებ აშშ-ის პრეზიდენტმა ჯო ბაიდენმა იაპონიის პრემიერ-მინისტრთან, იოშიჰიდე სუგასთან შეხვედრის შემდეგ განაცხადა.

მისი თქმით, ორი ქვეყანა იმ გამოწვევებზე, რომლებიც ჩინეთისგან მოდის, ერთად იმუშავებს.

„მოწოდებული ვართ, ერთად ვიმუშაოთ იმ გამოწვევებზე, რომლებიც ჩინეთისგან მოდის და ისეთ საკითხებზე, როგორიცაა აღმოსავლეთ ჩინეთის ზღვა, სამხრეთ ჩინეთის ზღვა აგრეთვე ჩრდილოეთ კორეა, რათა უზრუნველყოფილი იქნეს ინდო – წყნარი ოკეანის რეგიონის თავისუფალი და გახსნილი მომავალი. ”

მედიის ინფორმაციით, ლიდერებმა ასევე ისაუბრეს ჩინეთის გაზრდილ სამხედრო გადაადგილებებზე ტაივანის მახლობლად, ჰონგ-კონგისა და მუსლიმი უიღურების საკითხებზე.

აღსანიშნავია, რომ იაპონიის პრემიერ-მინისტრი იოშიჰიდე სუგა უცხო ქვეყნის პირველი ლიდერია, რომელსაც პრეზიდენტმა ჯო ბაიდენმა თეთრ სახლში უმასპინძლა.