ემანუელ მაკრონი - რუსეთთან ცხადი „წითელი ხაზები“ უნდა გავავლოთ

საფრანგეთის პრეზიდენტის, ემანუელ მაკრონის განცხადებით, საერთაშორისო საზოგადოებამ რუსეთთან მიმართებით „ცხადი წითელი ხაზები“ უნდა გაავლოს, მათ შორის რუსეთის პრეზიდენტის მხრიდან ნებისმიერი მიუღებელი საქციელის შემთხვევაში, უნდა დაწესდეს სანქციები.

როგორც მან CBS News-თან ინტერვიუში აღნიშნა, მხოლოდ სანქციები საკმარისი არ არის. მაკრონის თქმით, იგი სრულად იზიარებს აშშ-ის პრეზიდენტის, ჯო ბაიდენის სურვილს, რუსეთთან დიალოგი გახსნას.

„ჩემი აზრით, სანქციები საკმარისი არ არის, მაგრამ ის პაკეტის ნაწილია. მე ვამჯობინებდი კონსტრუქციულ დიალოგს, მაგრამ კონსტრუქციული და ეფექტური დიალოგისთვის საჭიროა სანდოობა. ჩემი აზრით, დამაჯერებლობისთვის, რუსეთთან ცხადი წითელი ხაზები უნდა გავავლოთ, - განაცხადა მაკრონმა და აქვე დაადასტურა, რომ საერთაშორისო საზოგადოებას რუსეთთან მიმართებით ჰქონდა ის, რასაც ”გულუბრყვილო მიდგომა” ეწოდება.

”ვფიქრობ, რაც მოხდა რამდენიმე წლის წინ, როდესაც უკრაინაში რუსეთი შეიჭრა, ეს არ არის დიპლომატიის მარცხი, ეს არის ჩვენი კოლექტიური სანდოობის მარცხი რუსეთის მიმართ”, - აღნიშნა პრეზიდენტმა.

იხილეთ ვიდეო: ემანუელ მაკრონი - საერთაშორისო საზოგადოებამ რუსეთთან მიმართებით "ცხადი წითელი ხაზები" უნდა გაავლოს

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს