ისრაელმა და საბერძნეთმა თავდაცვის სფეროში შესყიდვების შეთანხმებას მოაწერეს ხელი, რაც ამ ქვეყნებს შორის დარგის ყველაზე მსხვილი გარიგებაა.
ისრაელის მხარე აცხადებს, რომ შეთანხმება ორ ქვეყანას შორის პოლიტიკურ და ეკონომიკურ კავშირებს გააძლიერებს.
”დარწმუნებული ვარ, რომ ეს პროგრამა განაახლებს შესაძლებლობებს და გააძლიერებს ისრაელისა და საბერძნეთის ეკონომიკას. ამით ჩვენს ორ ქვეყანას შორის პარტნიორობა გაღრმავდება თავდაცვით, ეკონომიკურ და პოლიტიკურ დონეზე”, - განაცხადა ისრაელის თავდაცვის მინისტრმა ბენი განცმა.
ისრაელის თავდაცვის სამინისტროს ცნობით, შეთანხმება მოიცავს 1.65 მილიარდი აშშ დოლარის კონტრაქტს, რომელიც 22 წლიან პერიოდში მიემართება ისრაელის თავდაცვის სამინისტროს კონტრაქტორი Elbit Systems-ის მიერ საბერძნეთის საჰაერო ძალებისთვის სასწავლო ცენტრის შექმნისა და ფუნქციონირებისკენ. ცენტრი ისრაელის საჰაერო აკადემიის მოდელზე შეიქმნება.