აშშ-ის ვისკონსინის შტატის ქალაქ კენოშაში სროლისას სამი ადამიანი გარდაიცვალა, ორი კი დაიჭრა. ინფორმაციას ადგილობრივი პოლიცია ადასტურებს.
ადგილობრივმა შერიფმა ჟურნალისტებს განუცხადა, რომ ინციდენტი შემთხვევით არ მოხდა და სროლა, სავარაუდოდ, ბარში არეულობამ გამოიწვია. თავდამსხმელი პოლიციას ჯერ არ დაუკავებია. მომხდარზე გამოძიება მიმდინარეობს და ვისაც რაიმე ინფორმაცია აქვს, სთხოვენ კენოშას ოლქის შერიფის დეპარტამენტს დაუკავშირდნენ.