რომის პაპი - უკრაინის აღმოსავლეთში საჭიროა ქმედებები, რომლებიც ხელს შეუწყობენ ორმხრივ ნდობას, შერიგებასა და მშვიდობას

რომის პაპი ფრანცისკე საკვირაო ქადაგებისას უკრაინის საზღვართან სიტუაციის გამწვავებას გამოეხმაურა და წმინდა პეტრეს მოედანზე შეკრებილ ხალხს უკრაინელებისთვის ერთად ლოცვისკენ მოუწოდა.

რომის პაპი მიმდინარე მოვლენებით შეშფოთებულია და იმედს გამოთქვამს, რომ დაძაბულობის ზრდის თავიდან აცილება შესაძლებელია.

„მე შეშფოთებით ვადევნებ თვალყურს აღმოსავლეთ უკრაინის ზოგიერთ რაიონში მოვლენებს, სადაც ბოლო რამდენიმე თვის განმავლობაში ადგილი ჰქონდა ცეცხლის შეწყვეტის შესახებ შეთანხმების მრავალჯერ დარღვევას. მღელვარებით ვაკვირდები სამხედრო აქტივობის ზრდას. გთხოვთ, მე მტკიცე იმედი მაქვს, რომ დაძაბულობის ზრდა შეიძლება თავიდან იქნას აცილებული. პირიქით, საჭიროა ქმედებები, რომლებიც ხელს შეუწყობენ ორმხრივ ნდობას, შერიგებასა და მშვიდობას, რაც ასე აუცილებელი და სასურველია. მოდით, გულთან ახლოს მივიტანოთ ის მძიმე ჰუმანიტარული კრიზისი, რაც იქ მყოფ ხალხს დაატყდა თავს. მათ მიმართ გამოვხატავ ჩემს სიახლოვეს და ერთად ვილოცოთ მათთვის“, - აღნიშნა რომის პაპმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს