აშშ-ში კორონავირუსის საწინააღმდეგო ვაქცინის მინიმუმ ერთი დოზა ზრდასრული მოქალაქეების 50.4%-ს აქვს გაკეთებული, - ამის შესახებ ინფორმაციას Reuters-ი აშშ-ის დაავადების კონტროლისა და პრევენციის ცენტრზე დაყრდნობით ავრცელებს.
მათივე ინფორმაციით, აშშ-ში ვაქცინის პირველი დოზა 18 წლისა და უფროსი ასაკის 130 მილიონზე მეტ მოქალაქეს აქვს გაკეთებული.
ქვეყანაში, საერთო ჯამში, ვაქცინების 209 406 814 დოზაა გამოყენებული. აქედან სულ მცირე ერთი დოზა 131 247 546 ადამიანს მიღებული, სრულად ვაქცინირებული კი 84 263 40 მოქალაქეა.
აშშ-ში ვაქცინაცია Pfizer /BioNTech-ის, Moderna-სა და Johnson & Johnson-ის ვაქცინებით მიმდინარეობს, თუმცა, ამ უკანასკნელის გამოყენება რამდენიმე დღის წინ დროებით შეჩერდა, რისი მიზეზიც 6 ვაქცინირებულ მოქალაქეში თრომბის განვითარების ფაქტი გახდა, რომელსაც შესაბამისი სამსახურები იკვლევენ.