ჟოზეფ ბორელი - ალექსეი ნავალნის უსაფრთხოებაზე პასუხისმგებლობა რუსეთის ხელისუფლებას ეკისრება
რუსეთთან ურთიერთობა არ უმჯობესდება, პირიქით, იზრდება დაძაბულობა სხვადასხვა მიმართულებით, – ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჟოზეფ ბორელმა ევროკავშირის არაფორმალური მინისტერიალის დაწყებამდე განაცხადა.
მისი თქმით, დღევანდელ მინისტერიალზე რუსეთთან დაკავშირებულ საკითხებს განიხილავენ. ბორელმა აღნიშნა, რომ ევროკავშირი შეშფოთებული რუსი ოპოზიციონერი ალექსეი ნავალნის ჯანმრთელობის მდგომარეობით და მოუწოდებს რუსეთს, შესაბამისი მკურნალობა უზრუნველყოს.
„ბატონი ნავალნის ჯანმრთელობის მდგომარეობაზე პასუხისმგებლობას რუსეთის ხელისუფლება დავაკისრეთ. ის არის მის უსაფრთხოებაზე პასუხისმგებელი,“- აღნიშნა დიპლომატმა.
მისი თქმით, დღევანდელ არაფორმალურ მინისტერიალზე უკრაინის საზღვართან არსებულ სიტუაციასაც განიხილავენ.
„ძალიან სახიფათო ვითარებაა და რუსეთს მოვუწოდებთ, გაიყვანოს საკუთარი ჯარი უკრაინის საზღვრიდან,“- აღნიშნა ბორელმა.
v-if="article.gallery" v-html="article.gallery"
