„სტრატეგია აღმაშენებელის“ ლიდერის, გიორგი ვაშაძის განცხადებით, გიორგი რურუასთან დაკავშირებით პრეზიდენტის განცხადება მისთვის მისაღებია.
როგორც ვაშაძე განმარტავს, ყველა წინაპირობა არსებობს, რომ გიორგი რურუა გათავისუფლდეს.
„ახლა ის მომენტია, როცა ყველამ უნდა გადავდგათ ნაბიჯი იმისთვის, რომ რაღაც თანხმობისკენ მივიდეთ, ახალი პოლიტიკური კულტურა ვუჩვენოთ ჩვენს საზოგადოებას, დასავლელ პარტნიორებს, რომლებმაც საოცარი შრომა გასწიეს ამ 6 თვის მანძილზე. იმედი მაქვს, შეთანხმება მალე გაფორმდება და მალე ვიხილავთ გიორგი რურუას თავისუფალს. ამისთვის ყველა წინაპირობა არსებობს. დარწმუნებული ვარ, მალე ვიხილავთ ნიკა მელიას თავისუფლებაზე.
გარკვეული პირობები არის, აღარ შევალ ამ წვრილმანებში. ეს განცხადება მისაღებია, შეთანხმების მთავარი საზომი არის ის, რომ დასავლეთმა უნდა თქვას შეთანხმება, რომ შედგა. ზუსტად ვიცი, რომ დასავლეთი ამას იტყვის ჩვენი ხელმოწერების შემდეგ",- აცხადებს ვაშაძე.