ჯანმრთელობის მსოფლიო ორგანიზაციამ კიდევ სამი თვით გაახანგრძლივა საგანგებო მდგომარეობა გლობალურ ჯანდაცვაში კოვიდ -19- ის პანდემიასთან დაკავშირებით.
ამის შესახებ ჟენევაში, ჯანმოს საგანგებო სიტუაციათა კომიტეტის სხდომაზე განაცხადეს მას შემდეგ, რაც დეტალურად გააანალიზეს შექმნილი ვითარება.
„ჯანმოს გენერალურმა დირექტორმა მიიღო გადაწყვეტილება, რომ კოვიდ-19-თან დაკავშირებული პანდემია წარმოადგენს საგანგებო მდგომარეობას საზოგადოებრივი ჯანდაცვის სფეროში. ის კომიტეტის მიერ მიღებულ რეკომენდაციას დათანხმდა“, - ნათქვამია ორგანიზაციის მიერ გავრცელებულ განცხადებაში.
იხილეთ ვიდეო:ჯანმო-მ ჯანდაცვის სფეროში საგანგებო მდგომარეობა კიდევ სამი თვით გაახანგრძლივა