ძლიერი ხანძრის გამო სამხრეთ აფრიკის ქალაქ კეიპთაუნის გარეუბნიდან მოსახლეობის ნაწილის ევაკუაცია განხორციელდა.BBC-ის ინფორმაციით, მაშველებმა კეიპთაუნის ერთ-ერთი დასახლებიდან ასობით ადამიანი მას შემდეგ გამოიყვანეს, რაც მთაში გაჩენილმა ხანძარმა სახლებამდე მიაღწია.

გამოცემის ცნობით, კეიპთაუნთან ახლოს ხანძარი კვირას გაჩნდა. მაშველების მცდელობის მიუხედავად ცეცხლის ჩაქრობა ჯერჯერობით ვერ ხერხდება. ხანძარმა მთასთან არსებული რესტორანი და კეიპთაუნის ყველაზე ძველი ბიბლიოთეკა გაანადგურა.