მივესალმებით შეთანხმების ხელმოწერას როგორც მნიშვნელოვან ნაბიჯს კრიზისიდან გამოსასვლელად, - ამის შესახებ ესტონეთის საგარეო საქმეთა სამინისტრო აცხადებს, რითაც უწყება საქართველოში მხარეების მიერ ევროპული საბჭოს პრეზიდენტის, შარლ მიშელის დოკუმენტზე ხელმოწერას ეხმიანება.

„მივესალმებით შეთანხმების ხელმოწერას როგორც მნიშვნელოვან ნაბიჯს კრიზისიდან გამოსასვლელად. მოვუწოდებთ ყველა პარტიას, ხელი მოაწეროს და შეასრულოს ის“,- აღნიშნულია ესტონეთის საგარეო უწყების განცხადებაში.

ცნობისთვის, შარლ მიშელის დოკუმენტზე - „საქართველოს წინსვლის გზა“ ხელისუფლებასა და ოპოზიური პარტიების ნაწილს შორის შეთანხმება შედგა. დოკუმენტს ხელი ორბელიანების სასახლეში მოეწერა.