აშშ-ის ყოფილი ვიცე-პრეზიდენტი უოლტერ მონდეილი 93 წლის ასაკში გარდაიცვალა, - მედიის ინფორმაციით, ამის შესახებ მისი ოჯახი იტყობინება.
მათი ინფორმაციით, მონდეილი მინეაპოლისში, საკუთარ სახლში გარდაიცვალა.
უოლტერ მონდეილის, რომელიც აშშ-ის „დემოკრატიული პარტიის“ მნიშვნელოვანი ფიგურა იყო, ქვეყნის ვიცე-პრეზიდენტის თანამდებობა 1977 -1981 წლებში, ჯიმი კარტერის პრეზიდენტობის დროს ეკავა. აღსანიშნავია, რომ მონდეილი ამერიკის პრეზიდენტობისთვისაც იბრძოდა, თუმცა, 1984 წელს, ის რონალდ რეიგანთან დამარცხდა.
მანამდე, 1960-1964 წლებში, ის მინესოტას შტატის გენერალურ პროკურორად მსახურობდა, 1964-1977 წლებში კი აშშ-ის სენატში აღნიშნულ შტატს წარმოადგენდა.
მონდეილს, ბილ კლინტონის პრეზიდენტობის დროს, იაპონიაში აშშ-ის ელჩის თანამდებობაც ეკავა.