რუსეთში ამერიკის შეერთებული შტატების ელჩი ჯონ სალივანი რუსეთის დატოვებას და ვაშინგტონში კონსულტაციებისთვის წასვლას არ გეგმავს, - ამის შესახებ ინფორმაციას Axios-ი ავრცელებს.
როგორც გამოცემა ელჩთან დაახლოებულ პირებზე დაყრდნობით იუწყება, ჯონ სალივანი მიიჩნევს, რომ თუკი ვლადიმერ პუტინს სურს, მან ქვეყანა დატოვოს, მოუწევს ამის გაკეთება აიძულოს.
ვაშინგტონსა და მოსკოვს შორის ურთიერთობები მას შემდეგ კიდევ უფრო დაიძაბა, რაც აშშ-ის პრეზიდენტმა ჯო ბაიდენმა 15 აპრილს ხელი მოაწერა განკარგულებას რუსეთის წინააღმდეგ ახალი სანქციების დაწესების შესახებ, პასუხად კი რუსეთის საგარეო საქმეთა სამინისტრომ განაცხადა, რომ ქვეყნიდან 10 რუს დიპლომატს გააძევებდა. მოსკოვი ჯონ სალივანის გაძევებას არ გეგმავს, თუმცა ელჩს ვაშინგტონში ბაიდენის ადმინისტრაციის ოფიციალურ პირებთან კონსულტაციებისთვის ჩასვლა „ურჩიეს“.