ანგელა მერკელის პარტიამ კანცლერის თანამდებობაზე არმინ ლაშეტის კანდიდატურის წარდგენას დაუჭირა მხარი

გერმანიის კონსერვატიული პარტიის „ქრისტიან-დემოკრატიული კავშირის“ საბჭომ კანცლერის თანამდებობაზე პარტიის ლიდერის, არმინ ლაშეტის კანდიდატურის წარდგენას დაუჭირა მხარი, - ამის შესახებ ინფორმაციას „დოიჩე ველე“ ავრცელებს.

გამოცემის ცნობით, ლაშეტს მხარი პარტიის საბჭოს უმრავლესობამ - 31 წევრმა, ანუ 77.5% -მა, დაუჭირა, მისმა კონკურენტმა „ქრისტიანული სოციალური კავშირის“ წარმომადგენელმა მარკუს სოდერმა კი მხოლოდ 9 ხმა მიიღო.

კენჭისყრის შედეგები „ქრისტიანული სოციალური კავშირისა“ და „ქრისტიან-დემოკრატიული კავშირის“ ბლოკის კანდიდატის შერჩევასთან დაკავშირებით ოფიციალურ გადაწყვეტილებას არ ნიშნავს, თუმცა სოდერმა განაცხადა, რომ იგი პატივს სცემს „ქრისტიან-დემოკრატიული კავშირის“ საბჭოს გადაწყვეტილებას.

არმინ ლაშეტი, რომელსაც ანგელა მერკელის ფავორიტად მიიჩნევენ, „ქრისტიან-დემოკრატიული კავშირის“ თავმჯდომარედ მიმდინარე წლის იანვარში აირჩიეს.

აღსანიშნავია, რომ გერმანიის „მწვანეთა პარტიამ“ პირველად ისტორიაში, კანცლერის თანამდებობაზე საკუთარი კანდიდატი დაასახელა. წარდგენილი კანდიდატი ანალენა ბაერბოკია.

გერმანელები ახალ პარლამენტს მიმდინარე წლის სექტემბერში აირჩევენ. ექსპერტები აცხადებენ, რომ შედეგებმა, შესაძლოა, ქვეყანაში ძალთა ბალანსი შეცვალოს და კანცლერის თანამდებობის დაკავების შანსი სხვა პარტიის წარმომადგენელს მისცეს.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება