მივესალმები საქართველოში პოლიტიკურ პარტიებს შორის, ევროკავშირის შუამავლობით, ჩიხის დასასრულებლად მიღწეულ შეთანხმებას, - ამის შესახებ რუმინეთის საგარეო საქმეთა მინისტრი ბოგდან აურესკუ სოციალურ ქსელ „ტვიტერში“ წერს.
მისი თქმით, რუმინეთი მხარს უჭერს საქართველოს ევროპულ მისწრაფებას.
„ეს კარგი ნიშანია იმის, რომ საქართველო განაგრძობს სწორი მიმართულებით სვლას დემოკრატიის კონსოლიდაციისკენ და ევროპულ გზაზე. რუმინეთი სრულად უჭერს მხარს საქართველოს ევროპულ მისწრაფებებს“, – წერს რუმინეთის საგარეო უწყების ხელმძღვანელი.
ცნობისთვის, შარლ მიშელის დოკუმენტზე - „საქართველოს წინსვლის გზა“ ხელისუფლებასა და ოპოზიური პარტიების ნაწილს შორის შეთანხმება შედგა. დოკუმენტს ხელი გუშინ, ორბელიანების სასახლეში მოეწერა.