გიორგი ვაშაძე - ვწუხვარ, რომ “ნაციონალური მოძრაობა” არ იყენებს შესაძლებლობას, ევროკავშირმა გადაიხადოს გირაო და ეს ისტორიაში ჩავწეროთ, როგორც სერიოზული გამოცდილება

„სტრატეგია აღმაშენებლის“ ლიდერის, გიორგი ვაშაძის განცხადებით, შეთანხმების მიხედვით, ჯერ ნიკა მელიასთვის გირაოს შეთავაზება უნდა მოხდეს, ამაზე უარის თქმის შემთხვევაში კი, ის ამნისტიის კანონით გათავისუფლდება.

„ჯერ შეთავაზებული იქნება გირაო, მაგრამ თუ ის უარს იტყვის გირაოზე, მაინც იქნება შეწყალების დოკუმენტი. პრინციპში გირაო უკვე შეთავაზებულია“,- განაცხადა ვაშაძემ.

მისივე თქმით, თუ ნიკა მელია ევროკავშირის მხრიდან გირაოს გადახდას დათანხმდება, ეს ქვეყნის ისტორიისთვის სერიოზული გამოცდილება იქნება.

ნიკა მელიას გამოშვების ორი პარალელური პროცესია - ერთგან მისი თანხმობაა საჭირო, მეორეგან კი ჩვენგან ხმის მიცემა. პირველი - ეს არის გირაო, რომელსაც ევროკავშირი ამბობს, რომ მზადაა გადაიხადოს. ჩემი აზრით, ეს შესაძლებლობა უნდა გამოვიყენოთ იმიტომ, რომ ეს იქნება საქართველოს ისტორიისთვის სერიოზული გამოცდილება, რომ ქვეყანაში იმ დონეზე მივიდა პოლიტიკური პატიმრების საკითხი, რომ ევროკავშირი იხდის გირაოს. ვწუხვარ, რომ “ნაციონალური მოძრაობა” ამ შესაძლებლობას არ იყენებს და ვწუხვარ, რომ ისტორიაში ამას არ ჩავწერთ. თუ ეს არ მოხდა და ნიკა მელიამ გირაოზე უარი თქვა, მაშინ არის ამნისტიის კანონი, რომლითაც ჩვენ მას გავათავისუფლეთ. არ მსურს, რომ საქართველოში პოლიტპატიმრები იყვნენ და მზად ვარ, ამ კანონს მხარი დავუჭირო“,- განაცხადა ვაშაძემ.

ცნობისთვის, უმრავლესობის წევრის ირაკლი ქადაგიშვილის განცხადებით, ჯერ უნდა მოხდეს ნიკა მელიასთვის გირაოს გადახდა და პოლიტიკური ამნისტიის აქტს 20 ივნისის მოვლენებთან დაკავშირებით ამის შემდეგ მიიღებენ.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს