აშშ-ის ელჩი რუსეთში - მნიშვნელოვანია, ბაიდენის ადმინისტრაციაში ჩემს კოლეგებს პირდაპირ ვესაუბრო, მოსკოვში უახლოეს კვირებში დავბრუნდები

აშშ-ის ელჩი რუსეთში ჯონ სალივანი აცხადებს, რომ ვაშინგტონში კონსულტაციებისთვის მიემგზავრება და მოსკოვში უახლოეს კვირებში დაბრუნდება.

„მიმაჩნია, რომ ჩემთვის მნიშვნელოვანია, ბაიდენის ადმინისტრაციაში ჩემს ახალ კოლეგებს პირდაპირ ვესაუბრო აშშ-რუსეთის ორმხრივი ურთიერთობების არსებულ მდგომარეობაზე. მოსკოვში უახლოეს კვირებში დავბრუნდები,“ - განაცხადა ელჩმა რუსულ მედიასთან საუბარში.

მანამდე, გამოცემა Axios-მა ჯონ სალივანთან დაახლოებულ პირებზე დაყრდნობით გაავრცელა ინფორმაცია, რომ ელჩი რუსეთის დატოვებას და ვაშინგტონში კონსულტაციებისთვის წასვლას არ გეგმავდა. ვაშინგტონსა და მოსკოვს შორის ურთიერთობები მას შემდეგ კიდევ უფრო დაიძაბა, რაც აშშ-ის პრეზიდენტმა ჯო ბაიდენმა 15 აპრილს ხელი მოაწერა განკარგულებას რუსეთის წინააღმდეგ ახალი სანქციების დაწესების შესახებ, პასუხად კი რუსეთის საგარეო საქმეთა სამინისტრომ განაცხადა, რომ ქვეყნიდან 10 რუს დიპლომატს გააძევებდა. მოსკოვი ჯონ სალივანის გაძევებას არ გეგმავს, თუმცა ელჩს ვაშინგტონში ბაიდენის ადმინისტრაციის ოფიციალურ პირებთან კონსულტაციებისთვის ჩასვლა „ურჩიეს“.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს