„სტრატეგია აღმაშენებლის“ ერთ-ერთი ლიდერი, პაატა მანჯგალაძე პარლამენტში მივიდა. ამ წუთებში მანჯგალაძე სხდომათა დარბაზთან მდებარე სადეპუტატო ოთახში იმყოფება. მას მედიასთან კომენტარი არ გაუკეთებია.
ამასთან, საკანონმდებლო ორგანოში მივიდნენ „გირჩის“ წევრები იაგო ხვიჩია და ვახტანგ მეგრელიშვილი.
შეგახსენებთ, რომ ევროპული საბჭოს პრეზიდენტის, შარლ მიშელისა და პოლიტიკური პარტიების წარმომადგენლების შეხვედრა დღეს, საქართველოს პარლამენტში გაიმართება. ამის შესახებ პრეზიდენტის საქართველოში ვიზიტის პროგრამაშია აღნიშნული. შესაბამისად, დეპუტატები, რომლებიც პარლამენტს ბოლო თვეების განმავლობაში ბოიკოტს უცხადებდნენ, თუმცა გუშინ მედიატორ შარლ მიშელის შეთანხმების დოკუმენტს შეუერთდნენ, დღეს პარლამენტში მივლენ.