Johnson & Johnson-ი ევროპაში კოვიდ 19-ის ვაქცინის  შეტანას განაახლებს

Johnson & Johnson-ის განცხადებით, კომპანია კორონავირუსის საწინააღმდეგო ვაქცინის ევროპაში შეტანას განაახლებს, - ამის შესახებ ინფორმაციას Reuters-ი ავრცელებს.

სააგენტოს ცნობით, Johnson & Johnson-მა აღნიშნული გადაწყვეტილება მას შემდეგ მიიღო, რაც ევროპის წამლის სააგენტომ განაცხადა, რომ ვაქცინის სარგებელი მის რისკს აღემატება. თუმცა, ევროპის მარეგულირებელმა რეკომენდაცია გასცა, რომ ვაქცინის ეტიკეტზე წარმოდგენილი იყოს გაფრთხილება იშვიათი სისხლის შედედების რისკის არსებობის შესახებ.

Johnson & Johnson-ი აცხადებს, რომ საკუთარ ვალდებულებას შეასრულებს და ევროპას ვაქცინის 200 მილიონ დოზას, შეერთებულ შტატებს კი - 100 მილიონ დოზას მიაწვდის.

გასულ კვირაში აშშ-ის მარეგულირებელმა ორგანოებმა Johnson & Johnson-ის ვაქცინის გამოყენების დროებით შეჩერების რეკომენდაცია ექვს ვაქცინირებულში თრომბის წარმოქმნის შემთხვევის გამო გასცეს, რის შემდეგაც კომპანიამ ვაქცინის ევროპისთვის მიწოდება შეაჩერა.

ევროპაში Johnson & Johnson-ის ვაქცინის გამოყენება ჯერ არ დაუწყიათ, აშშ-ში კი ამ ვაქცინით, რომლის მხოლოდ 1 დოზის გაკეთებაა საკმარისი, 8 მილიონამდე ადამიანია აცრილი.

იხილეთ ვიდეო:Johnson & Johnson-ი ევროპაში კოვიდ 19-ის ვაქცინის შეტანას განაახლებს

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!