გაერთიანებული ერების ორგანიზაცია მსოფლიოს სასურსათო პროგრამის (WFP) ფარგლებში ვენესუელაში მცხოვრებ ბავშვებს საკვებით დაეხმარება.
BBC-ის ინფორმაციით, ორგანიზაციასა და ვენესუელას პრეზიდენტ ნიკოლას მადუროს შორის შეთანხმება უკვე მიღწეულია.
გამოცემა წერს, რომ ვენესუელაში არსებული კრიზისის ფონზე სიღარიბე დღითი-დღე იზრდება და მოსახლეობის ნაწილი შიმშილობის ზღვარზეა. არაერთი კვლევა ადასტურებს, რომ ვენესუელაში მცხოვრები ბავშვები არასრულყოფილად იკვებებიან.
მსოფლიოს სასურსათო პროგრამის ფარგლებში ქვეყნის მასშტაბით საკვებით 185 000-ზე მეტ ბავშვს დაეხმარებიან. კრიზისის დაწყების შემდეგ ვენესუელა 5.3 მილიონზე მეტმა ადამიანმა დატოვა.
იხილეთ ვიდეო:"გაერო" ვენესუელაში მცხოვრებ ბავშვებს საკვებით დაეხმარება