ოკუპანტებმა ქარელის მუნიციპალიტეტში ბორდერიზაციის პროცესი განაახლეს. როგორც „ინტერპრესნიუსს“ სახელმწიფო უსაფრთხოების სამსახურში განუცხადეს, სოფელ ტახტისძირში, ოკუპირებულ ტერიტორიაზე ე.წ. ნიშნულები დამონტაჟდა.

„მიმდებარე ლოკაციაზე გასულ წელს უკანონოდ აღმართეს ბანერები. ახლა დაამონტაჟეს მცირე ზომის ხის ბოძები. გააქტიურებულია ცხელი ხაზი და ევროკავშირის სადამკვირვებლო მისია“, - განუცხადეს „ინტერპრესნიუსს“ სუს-ში.