რუსმა სამართალდამცავებმა პატიმრობაში მყოფი ოპოზიციონერი პოლიტიკოსის, ალექსეი ნავალნის პრესმდივანი კირა იარმიში დააკავეს, - ამის შესახებ ინფორმაციას რუსული მედია იარმიშის ადვოკატზე, ვერონიკა პალიაკოვაზე, დაყრდნობით ავრცელებს.
„დამირეკა და მითხრა, რომ პოლიციამ სადარბაზოსთან დააკავა,“- განაცხადა ადვოკატმა.
მისი თქმით, ამ დროისთვის დაკავების მოტივის ან იარმიშის ადგილმდებარეობის შესახებ ინფორმაცია არ აქვს. მანამდე ცნობილი გახდა, რომ სამართალდამცავებმა დღეს ნავალნის თანაგუნდელი, ლიუბოვ სობოლი დააკავეს.
ცნობისთვის, დღეს, რუსეთის ქალაქებში ალექსეი ნავალნის მხარდამჭერები საპროტესტო აქციების გამართვას გეგმავენ.