თამარ გაბუნიას განცხადებით, აღდგომის წინა პერიოდში ეპიდემიოლოგიურ მოვლენებს დააკვირდებიან და შესაძლოა, დამატებითი შეზღუდვების შემოღების საკითხიც დადგეს

ჯანდაცვის მინისტრის მოადგილის თამარ გაბუნიას განცხადებით, აღდგომის წინა პერიოდში ეპიდემიოლოგიური კუთხით მოვლენებს დააკვირდებიან და ამის შემდეგ შესაძლოა, დამატებითი შეზღუდვების შემოღების საკითხიც დადგეს.

გაბუნიამ საკოორდინაციო საბჭოს დასრულების შემდეგ საზოგადოებას აღდგომის დღესასწაულზე წესების დაცვა და ხალხმრავლობისგან თავის არიდება მოუწოდა.

„მნიშვნელოვანია ყველა ის წესი დავიცვათ, რაც დაწესებულია. აღდგომის დღესასწაულზე, ზეიმი როგორც რელიგიურ გარემოში, ასევე სოცილურ გარემოში, რა თქმა უნდა, ძალიან კარგია, მაგრამ არ უნდა დაგვავიწყდეს, რომ ეპიდემიოლოგიური დიდი გამოწვევაა ნამდვილად. ასე, რომ ყველამ უნდა დავიცვათ მოთხოვნები, რაც ჩვენ საშუალებას მოგვცემს მაისში თავი ავარიდოთ შემთხვევების შემდგომ ესკალაციას, ზრდას. რა თქმა უნდა, სააღდგომო პერიოდში გარკვეული გამოწვევა იქნება და ჩვენ ყველას ვთხოვთ, რომ მაქსიმალურად თავი აარიდონ, თუნდაც დღესასწაულებზე ხალხმრავლობას და წესების უგუვებელყოფას.

მანამდე სანამ სააღდგომო დღესასწაულამდე მივალთ გასავლელი გვაქვს 10 დღე, რაც შეიძლება ითქვას სააღდგომო სურათს ცვლის, კიდევ უნდა ვნახოთ, რა მიმართულებით განვითარდება მოვლენები ეპიდემიოლოგიური კუთხით, დამატებით შეზღუდვებზე შესაძლოა დადგეს საკითხი“, - განაცხადა გაბუნიამ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა