„ლელოს“ ლიდერებმა მამუკა ხაზარაძემ, ბადრი ჯაფარიძემ და გრიგოლ გეგელიამ ბრიუსელში ოფიციალური შეხვედრები დაიწყეს. პირველი შეხვედრა ევროპარლამენტარ სვენ მიკსერთან გაიმართა.

პრესსამსახურის ინფორმაციით, ევროპარლამენტის საგარეო კომიტეტის წევრთან „ლელოს“ ლიდერებმა დეტალურად ისაუბრეს საქართველოში არსებულ პოლიტიკურ ვითარებაზე, შარლ მიშელის 5 - პუნქტიან გეგმაზე და მისი აღსრულების მონიტორინგზე.

მამუკა ხაზარაძემ, ბადრი ჯაფარიძემ და გრიგოლ გეგელიამ ევროპელ კოლეგებს პარტიის სტრატეგიული ხედვებიც გააცნეს, რომელიც საქართველოს განვითარების გეგმებს ეხება.

„ევროპარლამენტარი სვენ მიკსერი "ტვიტერში" გამოეხმაურა "ლელოს" ლიდერებთან შეხვედრას. ევროპარლამენტარი "ტვიტერზე" წერს, რომ შედგა საინტერესო შეხვედრა ქართველ პოლიტიკოსებთან. რომ მიღწეული შეთანხმება ევროპის მოდერაციით წინ გადადგმული მნიშვნელოვანი ნაბიჯია და ახლა მნიშვნელოვანია ფოკუსირება მის იმპლემენტაციაზე”, - ნათქვამია ინფორმაციაში.

დღესვე, დაგეგმილია შეხვედრა ევროპარლამენტარ ანდრიუს კუბილიუსთან და სხვა დეპუტატებთან.

იხილეთ ვიდეო:ლელოს ლიდერებმა ბრუსელში ოფიციალური შეხვედრები დაიწყეს