ანდრიუს კუბილიუსი - კარგი ნაბიჯები გადაიდგა კრიზისიდან გამოსასვლელად - იმედი მაქვს, რომ „ნაციონალური მოძრაობიდანაც“ უმრავლესობა შეუერთდება და არა მხოლოდ ერთი მათგანი

ევროპარლამენტარი ანდრიუს კუბილიუსი იმედოვნებს, რომ „ნაციონალური მოძრაობიდან“ უმრავლესობა შეუერთდება შეთანხმებას.

როგორც მან „ლელოს“ ლიდერებთან შეხვედრის შემდეგ განაცხადა, ყველაფერი იქნება დამოკიდებული შემდგომ კვირებზე, თუ როგორ შესრულდება პირველი ნაბიჯები, ნიკა მელიას ციხიდან გამოშვებით.

„მე ვფიქრობ, რომ კარგი ნაბიჯები გადაიდგა კრიზისიდან გამოსასვლელად. იმედი მაქვს, რომ „ერთიანი ნაციონალური მოძრაობიდანაც“ უმრავლესობა შეუერთდება მას და არა მხოლოდ ერთი მათგანი, როგორც იცით, სალომე სამადაშვილმა მოაწერა ხელი. ყველაფერი ბევრად იქნება დამოკიდებული შემდგომ კვირებზე, თუ როგორ შესრულდება პირველი ნაბიჯები მელიას გამოშვებით ციხიდან. იმედი მაქვს, რომ პირველ რიგში ეს შესრულდება. შემდგომ კი დარწმუნებული, ვარ, რომ ოპოზიციაც თავის მხრივ შეასრულებს მის პასუხისმგებლობას, რათა საქართველომ იფუნქციონიროს, როგორც საპარლამენტო დემოკრატიამ და ისინი შეუერთდებიან პარლამენტს და ასევე ბევრი საჭირო გადაწყვეტილებები იქნება მისაღები პარლამენტში. ეს არის პოლიტიკოსების პასუხისმგებლობა”, - აღნიშნა მან.

ანდრიუს კუბილიუსმა „ლელოს“ ლიდერებთან შეხვედრის შინაარსზეც ისაუბრა და აღნიშნა, რომ არის ახალი იდეები, რომელთა განხილვაც მოხდა.

„რა თქმა უნდა, პირველ რიგში, ვისაუბრეთ საქართველოში ბოლოს განვითარებულ მოვლენებზე, შეთანხმების ხელმოწერაზე, რომელიც შარლ მიშელის მიერ იყო შეთავაზებული. ჩვენ ვულოცავთ პოლიტიკურ პარტიებს, ვინც ხელი მოაწერა. ჩვენ ველით, რომ მისი განხორციელება იქნება ეფექტური და კრიზისი დამთავრდება. ჩვენ ასევე ბევრი ვისაუბრეთ სამომავლო ნაბიჯებზე ევროკავშირში საქართველოს ინტეგრაციის შესახებ. არის ახალი იდეები, რომლებიც განვიხილეთ”, - განაცხადა კუბილიუსმა.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“