აშშ-ის სენატის საერთაშორისო საქმეთა კომიტეტმა მხარი დაუჭირა ვიქტორია ნულანდის კანდიდატურას სახელმწიფო საკითხებში სახელმწიფო მდივნის მოადგილის თანამდებობაზე და კონგრესის ზედა პალატას მისცეს რეკომენდაცია მის დანიშვნასთან დაკავშირებით.

კომიტეტის სხდომაზე საკითხს კენჭი დღეს უყარეს.

„პუტინის რუსეთმა თავისი სამხედროები და იარაღი განათავსა ყველა კონტინენტზე, ასევე გააძლიერა დეზინფორმაცია, ჩარევა არჩევნებში და ოპონენტებზე ზეწოლის კამპანია“ , - განაცხადა ნულანდმა.

საკომიტეტო მოსმენის დროს მანვე ისაუბრა რუსეთის წინააღმდეგ სანქციების დაწესების და გაზსადენ „ჩრდილოეთის ნაკადი 2“-ის შეჩერების აუცილებლობაზე.

სახელმწიფო მდივნის მოადგილის პოსტი პოლიტიკურ საკითხებში სახელმწიფო დეპარტამენტში მიჩნევა რანგით მესამე თანამდებობად. იმედოვნებენ, რომ სენატი ნულანდის კანდიდატურას უახლოეს მომავალში დაუჭერს მხარს.

მანამდე ის გაეროში ამერიკის მისიის ხელმძღვანელის მოადგილედ მუშაობდა, ასევე ამერიკის სახელმწიფო მდივნის თანაშემწედ ევროპისა და ევრაზიის საკითხებში.