ჩეხეთის ახლად დანიშნულმა საგარეო საქმეთა მინისტრმა იაკუბ კულჰანეკმა რუსეთის ელჩს ალექსანდრე ზმეევსკის განიცხადა, რომ იმ შემთხვევაში, თუ რუსეთი 20 გაძევებულ დიპლომატს არ დააბრუნებს, პრაღა რუს დიპლომატებს ქვეყნიდან გააძევებს.

„რუსეთში ჩეხეთის საელჩოს ყველა გაძევებული დიპლომატი მოსკოვში უნდა დააბრუნონ. რუსეთმა გადაწყვეტილება 22 აპრილის 12:00 საათამდე უნდა მიიღოს. თუ რუსეთი ამ გადაწყვეტილებას არ მიიღებს, ჩეხეთში რუსეთის საელჩოს დიპლომატების რაოდენობას პარიტეტულ დონეზე შევამცირებთ“, - აღნიშნა ჩეხეთის საგარეო საქმეთა მინისტრმა.

კულჰანეკის განცხადებაზე კომენტირებისას კრემლის პრესსპიკერმა დიმიტრი პესკოვმა აღნიშნა, რომ მოთხოვნების ენით რუსეთთან საუბარი პერსპექტივა არ გააჩნია.