ინდოეთში, გასული დღე-ღამის განმავლობაში, კორონავირუსის 314 835 ახალი შემთხვევა გამოვლინდა და ინფიცირებულთა საერთო რაოდენობა 15.93 მილიონამდე გაიზარდა. აღსანიშნავია, რომ ქვეყანაში ბოლო 24 საათში გამოვლენილი შემთხვევები რეკორდულად მაღალი დღიური მაჩვენებელია მსოფლიოში პანდემიის დაწყების დროიდან.
დღემდე ყველაზე მეტი დღიური რაოდენობა აშშ-ში იყო დაფიქსირებული, სადაც იანვარში ერთ დღეში 297 430 ახალი შემთხვევა გამოვლინდა. ამასთან, ინდოეთში ბოლო 24 საათში ვირუსს კიდევ 2 104 ადამიანის სიცოცხლე ემსხვერპლა და დაღუპულთა რიცხვი, საერთო ჯამში 184 657-მდე გაიზარდა. მედიის ინფორმაციით, ქვეყნის საავადმყოფოებში საწოლებისა და ჟანგბადის მარაგის მნიშვნელოვანი დეფიციტია.