ესპანეთი Johnson & Johnson-ის კორონავირუსის საწინააღმდეგო ვაქცინის გამოყენებას იწყებს

ესპანეთი დღეიდან Johnson & Johnson-ის კორონავირუსის საწინააღმდეგო ვაქცინის გამოყენებას იწყებს, - „დოიჩე ველეს“ ინფორმაციით, ამის შესახებ ქვეყნის ჯანდაცვის მინისტრმა კაროლინა დარიასმა განაცხადა.

მისი თქმით, ვაქცინით თავდაპირველად 70-დან 80 წლამდე პირებს აცრიან.

ესპანეთმა Johnson & Johnson-ის ვაქცინის გამოყენების გადაწყვეტილება მას შემდეგ მიიღო, რაც ევროპის წამლის სააგენტომ სამშაბათს განაცხადა, რომ ვაქცინის სარგებელი მის რისკს აღემატება.

გასულ კვირაში აშშ-ის მარეგულირებელმა ორგანოებმა Johnson & Johnson-ის ვაქცინის გამოყენების დროებით შეჩერების რეკომენდაცია ექვს ვაქცინირებულში თრომბის წარმოქმნის შემთხვევის გამო გასცეს, რის შემდეგაც კომპანიამ ვაქცინის ევროპისთვის მიწოდება შეაჩერა. გუშინ კი ცნობილი გახდა, რომ Johnson & Johnson-ი ვაქცინის ევროპაში შეტანას განაახლებს.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა