საკონსტიტუციო სასამართლოში სადეპუტატო მანდატებთან დაკავშირებით ზურაბ ჯაფარიძის, თამარ კორძაიას და ელენე ხოშტარიას სარჩელების განხილვა დაიწყო

საკონსტიტუციო სასამართლოში საქმის “ზურაბ გირჩი ჯაფარიძე, თამარ კორძაია და ელენე ხოშტარია საქართველოს პარლამენტის წინააღმდეგ“ საქმის არსებითი განხილვა დაიწყო.

ცოტა ხნის წინ კორძაიას წარმომადგენელმა დღევანდელი და ხვალ დაგეგმილი სხდომის 2 კვირით გადადების შუამდგომლობა დააყენა, თუმცა თავის მხრივ, ზურა ჯაფარიძემ და ელენე ხოშტარიას წარმომადგენელმა აღნიშნეს, რომ ისინი სხდომის ჩატარებას უჭერდნენ მხარს.

"მირჩევნია, სარჩელის განხილვა, რაც შეიძლება სწრაფად ჩატარდეს. გადადებას მხარს არ ვუჭერ. პოლიტიკური თვალსაზრისით ისეთი ვითარებაა, მირჩევნია საკითხი სწრაფად იყოს განხილული", - განაცხადა ზურა ჯაფარიძემ.

ამ წუთებში სხდომაზე გამოცხადებულია შესვენება. საკონსტიტუციო სასამართლოს მოსამართლეები კორძაიას წარმომადგენლის მიერ დაყენებულ შუამდგომლობაზე გადაწყვეტილების მიღებასთან დაკავშირებით თათბირობენ.

დავის საგანია ჯაფარიძისთვის, კორძაიასა და ხოშტარიასთვის პარლამენტის წევრის უფლებამოსილების ვადამდე შეწყვეტის თაობაზე პარლამენტის დადგენილების კონსტიტუციურობა. საქმეს განიხილავს პლენუმი, ცხრა მოსამართლის შემადგენლობით და არის პირველი შემთხვევა, როცა საკონსტიტუციო სასამართლო დეპუტატის უფლებამოსილების არშეწყვეტის კონსტიტუციურობაზე იმსჯელებს. სხდომა ონლაინ-რეჟიმში მიმდინარეობს.

როგორც ცნობილია, „ქართულმა ოცნების" უმრავლესობამ პარლამენტის ოპოზიციონერი დეპუტატების განცხადებები სადეპუტატო უფლებამოსილების ვადამდე შეწყვეტის თაობაზე არ დააკმაყოფილა. ჯაფარიძემ, ხოშტარიამ და კორძაიამ პარლამენტის შესაბამისი დადგენილება, როგორც არაკონსტიტუციური გადაწყვეტილება, საკონსტიტუციო სასამართლოში გაასაჩივრეს. საკონსტიტუციო სასამართლოს განმარტებით, მომჩივან პირებს სარჩელის უკან გატანა შეუძლიათ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა