რუსეთის უშიშროების ფედერალურმა სამსახურმა სევასტოპოლში დააკავა რუსეთის მოქალაქე, რომელიც უკრაინის სამხედრო დაზვერვისთვის შავი ზღვის ფლოტის შესახებ საიდუმლო მონაცემებს აგროვებდა, - ამის შესახებ ინფორმაციას რუსული მედია უშიშროების ფედერალური სამსახურის პრესსამსახურზე დაყრდნობით ავრცელებს.

მათივე ინფორმაციით, დაკავებულის წინააღმდეგ გამოძიება რუსეთის სისხლის სამართლის კოდექსის 275-ე მუხლით მიმდინარეობს, რაც სახელმწიფო ღალატს გულისხმობს.

ბრალის დამტკიცების შემთხვევაში ეჭვმიტანილს 12-დან 20 წლამდე პატიმრობა ემუქრება.