პრემიერ-მინისტრ ნიკოლ ფაშინიანის ზანგეზურის პროვინციაში ვიზიტის შემდეგ სომეხმა სამხედროებმა აზერბაიჯანის საზღვარზე პროვოკაცია მოაწყვეს, - ამის შესახებ ინფორმაციას აზერბაიჯანული მედია ქვეყნის სასაზღვრო სამსახურზე დაყრდნობით ავრცელებს.

მათივე ინფორმაციით, ვიზიტიდან რამდენიმე საათში სომეხმა სამხედროებმა ზანგულანის რაიონის სოფელ სეიდლარში მდებარე აზერბაიჯანის სახელმწიფო სასაზღვრო სამსახურის დანაყოფებისა და რუსეთის ფედერაციის უსაფრთხოების ფედერალური სამსახურის სასაზღვრო სამსახურის დანაყოფების მიმართულებით ცეცხლი გახსნეს.

აზერბაიჯანის სახელმწიფო სასაზღვრო სამსახურში აცხადებენ, რომ ამგვარი პროვოკაციების გამნეორების შემთხვევაში, უმკაცრეს საპასუხო ზომებს განახორციელებენ.